Yahi Ik Meri, Baki Khwahish Rahi..

Na tu ab rahi, Na baatein teri,
Wo chehra nahi, Na wo zulfein haseen..
       Kayi martaba pukara tujhe,
       Na aawaaz mein meri, Ab wo aahat rahi..


Wo nazrein jhuki, Aur labo'n pe hansi,
Gulabi thi chehre pe jo chandni..
       Jo mujhe gham hua, To iss baat ka,
       Na mohabbat rahi, Na chahat rahi..


Wo chalna tera, Mere saath hi,
Le jayein jidhar bhi wo raahein sahi..
       Jo hoga laqeero'n mein mil jaega,
       Zindagi yun mujhe, Ab behlati rahi..


Tamanna ye thi, Ke rakh lu'n tujhe,
Zamane se bachakar main dil me kahi'n..
       Zara dekh lu'n, To aaye sukoo'n,
       Ab yahi ik meri, Baki khwahish rahi..

~Khan